പുതിയ പഠനങ്ങളും ആപ്പുകളും
ധ്യാനാവസ്ഥയിലുള്ള മസ്തിഷ്കത്തെക്കുറിച്ചുള്ള പഠനനിരീക്ഷണങ്ങള് സമീപകാലത്ത് കൂടുതല് സജീവമായിട്ടുണ്ട്. ഡോ. ഡേവിഡ് ബ്രൗണ്, ഡോ. നോര്മാന് റോസെന്താള്, ഡോ. കാന്ഡേസ് പെര്ട്ട്, ഡോ സാറാ ലാസര്, ഡോ. പീറ്റര് മാലിനോവ്സ്കി, ഡോ. റിച്ചാര്ഡ് ഡേവിഡ്സണ് എന്നിങ്ങനെ നിരവധി പാശ്ചാത്യഗവേഷകര് ധ്യാനാവസ്ഥയിലുള്ള മസ്തിഷ്കത്തിന്റെ സംരചന മനസിലാക്കാന് ശ്രമിച്ചു കൊണ്ടിരിക്കുന്നു. ഹാര്വാഡ് മെഡിക്കല് സ്കൂള്, സ്റ്റാന്ഫോര്ഡ് മെഡിക്കല് സ്കൂള്, യേല് മെഡിക്കല് സ്കൂള് തുടങ്ങിയ പ്രധാനപ്പെട്ട യൂണിവേഴ്സിറ്റികളിലൊക്കെ മെഡിറ്റേഷനെക്കുറിച്ചുള്ള നിരവധി പഠനങ്ങള് നടന്നു വരുന്നു. ദലൈ ലാമ ഓണററി ചെയര്മാനായി പ്രവര്ത്തിക്കുന്ന മൈന്ഡ് ആന്ഡ് ലൈഫ് ഇന്സ്റ്റിറ്റ്യൂട്ട്, ഓക്സ്ഫോഡ് മൈന്ഡ്ഫുള്നെസ് ഇന്സ്റ്റിറ്റ്യൂട്ട്, ജര്മനിയിലെ മാക്സ് പ്ലാങ്ക് ഇന്സ്റ്റിറ്റ്യൂട്ട് എന്നിത്യാദി നിരവധി സ്ഥാപനങ്ങള് മെഡിറ്റേഷന്റെ പോസിറ്റീവ് പ്രയോജനങ്ങളെക്കുറിച്ചുള്ള ഗവേഷണത്തില് ഏര്പ്പെട്ടിരിക്കുകയാണ്. ഭാരതത്തിലും വിവിധ യൂണിവേഴ്സിറ്റികളില് ഈ വിഷയത്തില് പഠനമനനങ്ങള് ധാരാളമായി നടക്കുന്നുണ്ട്.
ആധുനിക ജീവിതത്തിന്റെ സമസ്തമേഖലയിലേക്കും കടന്നു കയറിയ ആന്ഡ്രോയിഡ് ഓപ്പറേറ്റിംഗ് സിസ്റ്റമുപയോഗിച്ചുള്ള ധാരാളം ആപ്ളിക്കേഷനുകള് ശ്വാസോച്ഛ്വാസത്തില് ശ്രദ്ധയൂന്നിയുള്ള മൈന്ഡ്ഫുള്നെസ് മെഡിറ്റേഷന് ചെയ്യുന്നതിനും സഹായകരമായി പുറത്തിറക്കപ്പെട്ടിട്ടുണ്ട്. ബുദ്ധിഫൈ, കാം, ഹെഡ്സ്പെയ്സ്, മൈന്ഡ്ബോഡി കണക്ട്, മൈന് ഡ്ഫുള്നെസ് ആപ്, മെഡിറ്റേഷന് ടൈമര് പ്രോ, ഓംവന, സത്ത്വ മുതലായവയാണ് ചില ആപ്പുകള്. ഇവയിലെ നിര്ദ്ദേശങ്ങള്ക്കനുസരിച്ച് ആര്ക്കും ധ്യാനത്തിലേര്പ്പെടാന് കഴിയും.
No comments:
Post a Comment