സൂപ്പര് പ്രൈം ടൈമിലേക്ക്
ഏറ്റവും കൗതുകമുള്ള കാര്യം, ഇന്നിപ്പോള് നമ്മുടെ അത്താഴമുള്പ്പടെയുള്ള അതിജീവനകാര്യങ്ങളെല്ലാം ടെലിവിഷനിലെ പ്രോഗ്രാ മുകളെ ആശ്രയിച്ചാവുന്നു. പറ്റുമെങ്കില് പ്രോഗ്രാമുകളുടെ ഇടയിലുള്ള ബ്രേക് ടൈം സാധാരണ ദൈനംദിനകാര്യങ്ങള്ക്കുപയോഗിക്കാന് പരിശ്രമിക്കുന്നു നാം. 'ദേ, കറുത്ത മുത്തു തുടങ്ങുന്നതിനു മുമ്പ് വല്ലതും കഴിച്ചോണം', 'സിനിമ തുടങ്ങിക്കഴിഞ്ഞാല്പ്പിന്നെ വല്ല തും വേണമെന്നു പറഞ്ഞ് വന്നേക്കല്ലേ പിള്ളേരെ', 'ഇന്ന് അവാര്ഡ് നൈറ്റുള്ളതാ. അതു തൊടങ്ങിയാല്പ്പിന്നെ എന്നെ ശല്യപ്പെടുത്തിയേക്കല്ലേ' എന്നീ മട്ടിലുള്ള സമയക്രമീകരണങ്ങള് ദൈനംദിനവൃത്തികള്ക്ക് കല്പിക്കുകയും ചെയ്യുന്നു. അതായത് നമ്മുടെ ജീവിതത്തിലെ പ്രൈം ടൈം എന്നാല് ടെലിവിഷനു മുന്നില് സ്വൈരമായി ഇരിക്കാന് കിട്ടുന്ന സമയം എന്നായി നിര്വചനം. പ്രൈം ടൈമില് എല്ലാ തിരക്കുകളെയും നാം മാറ്റി വയ്ക്കുന്നു. ടെലിവിഷന് പ്രോഗ്രാമുകള് കാണുന്നതിനോട് ഭ്രാന്തമായ ഒരുതരം ആസക്തിയുണ്ടായി ക്കഴിഞ്ഞാല് ഈ പ്രൈ ടൈം, സൂപ്പര് പ്രൈം ടൈം ആവുകയായി. വന്ന് വന്ന്, പ്രൈം ടൈം നാം പ്രേക്ഷകര്ക്കു മാത്രമായുള്ള പ്രൈവറ്റ് ടൈമാണിപ്പോള്.
Comments
Post a Comment